15 may 2014 cü il tarixində Rusiya innovasiya mərkəzi “Skolkovo”da Vençur İnvestorlarının sayca ikinci illik toplantısı keçirilmişdir. Rusiya Vençur İnvestitsiya Assosiasiyasının informasiya dəstəyi ilə keçirilmiş tədbirdə  160-a yaxın vençur şirkətlərin nümayəndələri və rəhbərləri, konsaltinq və hüquqi şirkətlərin nümayəndələri iştirak etmişdir.

Tədbirdə Azərbaycanın ilk vençur investitsiya şirkəti INFİPRO şirkətinin direktoru Eldar Abbasov da iştirak etmişdir.

Forumda regionun aparıcı investor mütəxəssisləri bir araya gələrək layihələrin maliyyələşdirilməsi  zamanı yaranan suallar  və digər mövzular ətrafında fikir mübadiləsi aparmışlar.

Tədbirdə  2013 cü ildə görülmüş işlərin müzakirəsi, 2014 cü il təqvimində qarşıda duran məsələlər müzakirə olunmuşdur.