6iyul 2013-cü il tarixində Türkiyənin aparıcı investor və mentorları, “Etohum Azərbaycan”da bir araya gəldilər. Tədbirin məqsədi yerli layihələrə mentor dəstəyinin göstərilməsidir. Türkiyədən gələn investorlar  Park INN otelində təşkil olunan mərasimdə öz təcrübələrini auditoriya ilə bölüşüblər.

Spikerlər  Koray Karataş, Murat Şahin, Kerim Türe, Tümay Asena, Burak Büyükdemir internet şirkətlərinin sayını artırmaq, sahibkarları dəstəkləmək, internet iqtisadi bazarının yaradılması və inkişafı, Türkiyə – Azərbaycan əməkdaşlığı və dünyadakı yeni web texnologiyalar və s. kimi mövzulara toxunublar.Bununla yanaşı, Azərbaycanın internet sektorunda ön plana çıxan startupları seçərək onlara mentor treninqləri keçiləcəyi də nəzərdə tutulduğu bildirildi.
“Nokta Medya” şirkətinin icraçı direktoru Tümay Asena Azərbaycanda yeni ideyaların inkişaf etdirilməsi üçün əlverişli mühitin və yüksək potensiala malik gənclərin olduğunu ifadə edib.
Tədbir iştirakçılarının spikerlərə ünvanladığı suallar və müzakirələrlə davam edən tədbirdə, həmçinin Azərbaycanda start-up sahəsini inkişaf etdirmə yollarına da toxunulub.
Qeyd edək ki, “eTohum Azərbaycan” tədbirinin sponsorlarından biri də Infipro İnc şirkəti olub. Tədbirdə İnfipro  şirkəti tərəfindən, şirkətin Azərbaycan Respublikasındakı Nümayəndəliyinin direktoru Eldar Abbasov iştirak edib
eTohum qurulduğu gündən ötən 5 il ərzində 300-dən çox mentor və 40-dan çox özəl investorla əməkdaşlıq edərək 200-ə yaxın layihəni seçmiş və onlara dəstək vermişdir. Bu layihələr arasında Türkiyənin qabaqcıl internet şirkətləri – Grupanya, Balerin, Evidea, Pembepanjur, İndirdik, İnfodif, Ehil, Gamester, Userspots, Connected2me, Dekoreko kimi şirkətlər də vardır.