Fəaliyyət göstərdiyi tarixdən vençur investisiya sahəsində nəaliyyətləri ilə tanınan Infipro şirkəti, 2014-cü ildən İKT sahəsində bir çox yerli şirkətlərə Maliyyə Məsləhətçisi xidmətini göstərməyə başlamışdır.
Belə ki, Rabitə və Yüksək Texnologiyalar Nazirliyi 2014-cü ilin iyun ayından Infipro Inc şirkətini aparici rabitə operatoru Aztelekom İB-nə korporativ maliyyə məsləhətçisi təyin etmişdir. Read more →
“Aztelekom” İstehsalat Birliyi Rayon Telekommunikasiya Qovşaqlarının xidmət ərazisində genişzolaqlı internet istifadəçilərinin sayının artırılması layihəsinin icrasına başladı. Layihənin məqsədi regionlarda əhalinin informasiya resurslarından istifadə imkanlarının genişləndirilməsi, xidmətin keyfiyyətinin yüksəldilməsi, elektron xidmətlərin göstərilməsi üçün infrastrukturun genişləndirilməsi kimi prioritet məsələlərdir. Layihə çərçivəsində Sumqayıt və Gəncə şəhərlərində, Abşeron, Zaqatala, Şəmkir, Xaçmaz, Göygöl, Ağdam, Bərdə, Tər-Tər rayonlarında, həmçinin, 47 şəhər və rayonda yeni nömrələr və port tutumunun quraşdırılması və istismara verilməsi nəzərdə tutulur. Azərbaycan Respublikası Rabitə və Yüksək Texnologiyalar Nazirliyi tərəfindən təsdiqlənən layihənin nəticəsində, regionlarda Aztelekom internet istifadəçilərinin sayının 60%-dən çox artırılması üçün texniki imkanın yaradılması və servislərin həcminin artırılması mümkün olacaq. Read more →
Bu il sayca üçüncü olan yığıncaq, “Enerji layihələri və əməkdaşlıqlar üçün necə və haradan yeni maliyyə dəstəyi əldə etmək olar?” başlığı altında toplandı. Türkiyə Enerji və Təbii Sərvətlər Naziri və Boğaziçi Enerji Klubunun Fəxri Sədri Taner Yıldızın açılış nitqi ilə başlayan tədbirdə, nüfuzlu iş adamları və yüksək səlahiyyətli şəxslər iştirak edib.
Tədbirin əsas mövzusu Türkiyənin və Orta Şərqin enerji, investisiya və geopolitik yenilikləri fonunda “The Bosphorus Energy Club”-ın enerji layihələrinə sərmayə axınını haradan və hansı yollarla cəlb etmək oldu. Klubun sədri Mehmet Ögütçü, Türkiyəni gələcəyə aparacaq önəmli investisiya sahəsi olan enerji sektorunda böyük əhəmiyyət kəsb edən tədbirin mahiyyətini vurğuladı. Read more →
14 – 16 noyabr tarixlərdə Yüksək Texnologiyalar Parkında “Startup Günləri 2014” keçirilib.
Startup Günlərinin açılış mərasimində çıxış edən Azərbaycan İnternet Forumunun prezidenti , Startup Azərbaycan TK-nın üzvü Osman Gündüz Startup Günlərinin keçirilməsində əsas məqsədin ölkənin milli startup infrastrukturun inkişafına dəstək vermək, yeni startupların yaradılmasını stimullaşdırmaq , startuplar üçün informasiya-metodiki dəstək göstərmək, yeni yaradılan dövlət qurumları tərəfindən startuplar göstəriləcək dəstək haqqında məlumatlar çatdırmaq və startuplar arasında əlaqələrin gücləndirilməsindən ibarət olduğunu bildirib. Read more →
15 may 2014 cü il tarixində Rusiya innovasiya mərkəzi “Skolkovo”da Vençur İnvestorlarının sayca ikinci illik toplantısı keçirilmişdir. Rusiya Vençur İnvestitsiya Assosiasiyasının informasiya dəstəyi ilə keçirilmiş tədbirdə 160-a yaxın vençur şirkətlərin nümayəndələri və rəhbərləri, konsaltinq və hüquqi şirkətlərin nümayəndələri iştirak etmişdir.