Fevralın 20-22-si Türkiyənin Antalya şəhərində startup sahəsində böyük sayıla biləcək tədbir baş tutdu. 20-dək ölkədən 75 startup, 150 investor olmaqla, ümumilikdə 700 nəfərin qatıldığı  tədbir xeyli maraqlı keçdi. Rixos Downtown Hotel’də keçirilən tədbir Türkiyədə, həmçinin dünyanın bir çox bölgələrində startup-layihələrin inkişaf tempini, startup’lara olan marağı, diqqəti öyrənmək imkanı verdi.

Tədbirin təşkilatçılığı, həmçinin tədbirə olan maraq kifayət qədər idi. Belə ki, 4 gün (3 gün rəsmi tədbir, bir gün isə məşq günü) ərzində iştirakçılar həm dünyaca məşhur investorların, startup-biznes nümayəndələrinin çıxışlarını, müxtəlif mövzularda panelləri,həm 75 startup’ın təqdimat çıxışlarını izlədilər, həm də investorlarla startup’lar arasında görüşlər, toplantılar keçirmək, müxtəlif müzakirələr etmək  imkanı əldə etdilər.

Tədbirdə ev sahibi Türkiyədən sonra ən çox startup’la təmsil olunan ölkə Azərbaycan idi.  Ölkəmizi 7 startup (MultiBon, Manads, Modaha, Nettrends, Socset, VitalCV və Loupse), həmçinin Qafqaz Universiteti Texnoparkı və Yüksək Texnologiyalar Parkı təmsil edirdi. Demək olar ki, bütün startup’larımız tədbir iştirakçılarının diqqətini cəlb edə bildi.

Infipro Inc.şirkətinin investoru olduğu-Manads, Multibon və Vital CV heyəti də təbirdə aktiv iştirak etmişdir.

© www.marketing.net