«Infipro Inc.» şirkəti İstanbulda keçirilən beynəlxalq İKT konfransında iştirak edib
Bakı – APA-Economics. Noyabrın 6-7-də İstanbulda informasiya texnologiyalarına həsr olunmuş V Beynəlxalq Webit Konfransı keçirilib. Azərbaycanı konfransda təmsil edən «Infipro Inc.» vençur investisiya şirkətindən «APA-Economics»ə verilən məlumata görə, bu il keçirilən konfransa maraq çox böyük olub.Təşkilatçıların verdiyi məlumata görə, tədbirdə 100-dən artıq ölkədən 8 000 nəfər, o cümlədən, 500-dən artıq media nümayəndəsi iştirak edib. Webit Konfransı çərçivəsində dünyanın 200-dən artıq aparıcı ekspertləri çıxış edib. Onların arasında «Yahoo», «Nokia», «PayPal», «Volkswagen», «Facebook», «Mastercard», «Blackberry», «Intel», «Yandex», «IBM», «Acer», «Lenovo» kimi tanınmış şirkətlərin ekspertləri də olub. Tədbir çərçivəsində ümumilikdə 11 konfrans, həmçinin sərgi, seminarlar və s. keçirilib.