16-20 mart tarixlərində Almaniyanın  Hannover şəhərində dünyanın ən iri informasiya texnologiyaları, telekommunikasiyalar, İT-həllər və xidmətlər sərgisi  – “CeBIT 2015” keçirilmişdir. Sərgidə Azərbaycan milli pavilyonu çərçivəsində Rabitə və Yüksək Texnologiyalar Nazirliyi, ASAN xidmət və İKT sahəsində fəaliyyət göstərən 15 şirkət iştirak etmişdir.

İKT sahəsində fəaliyyət göstərən startuplara öz dəstəyi ilə tanınan Azərbaycanın ilk vençur investisiya şirkəti Infipronu, İcraçı Direktor Eldar Abbasov və İcraçı Partnyor Şahin Talıbov təmsil etmişdirlər. Tədbir çərçivəsində şirkətin təmsilçiləri bir sıra konfrans və xarici şirkətlərin nümayəndələri ilə görüşlərdə iştirak edib, İKT sahəsində yeniliklər və əldə olunmuş nəaliyyətləri müzakirə edərək  gələcək biznes əlaqələrinin inkişafı üçün fikir mübadiləsi aparmışlar.

Qeyd edək ki, dünyanın 70 ölkəsindən 3400 şirkətin qatıldığı sərgidə Azərbaycanın təqdim etdiyi pavilyon iştirakçiların diqqət mərkəzində olub.